«Ազատություն» ռադիոկայանը հաղորդում է։

Դեկտեմբերի 17-ից 20-ը Երեւանի «Մխիթար Սեբաստացի» կրթահամալիրում կանցկացվեն Ադրբեջանի օրեր՝ ադրբեջանցի իրավապաշտպանների եւ լրագրողների մասնակցությամբ:

Ադրբեջանի օրերը անցկացվելու են Խաղաղարար նախաձեռնությունների Կովկասյան կենտրոնի եւ Հայաստանում Մեծ Բրիտանիայի դեսպանատան աջակցությամբ:

Կրթահամալիրի տնօրեն Աշոտ Բլեյանը հանդես կգա «Հանրակրթության դերը հայ - ադրբեջանական դիմակայության հաղթահարման համատեքստում» թեմայով:

Ադրբեջանի օրերի ընթացքում կցուցադրվի «Բացեք սահմանը» վավերագրական կինոնկարը, մրցանակներ կհանձնվեն հայ- ադրբեջանական հարաբերություններին նվիրված լավագույն շարադրության, պլակատի եւ նկարի հեղինակներին:

Այս լուրը անմիջապես տարածվեց հայկական համացանցում։ Մեկնաբանությունների մեծամասնությունը միանշանակ բացասական են։ Միայն մի քանիսը մեկնաբանողներից համարում են, որ դա ոչ լավ է, ոչ էլ վատ։

Այսպես, aerial_vortex–ի հիմնական զայրույթը առաջացրել է հայկական կողմի միակողմանի ճիգերը։ “Իսկ հիմա պատկերացրեք, թե ինչ հնարավորություններ կան նմանատիպ որ Հայաստանի օրեր անց կացնել Ադրբեջանում։ Պատկերացրեցի՞ք։ Եւ ի՞նչ տպավորություններ են։” Նման մտքեր են արտահայտում OpenArmenia ֆորումի այցելուները՝ դասելով Բլեյանին եւ Վանյանին դավաճաբբերի շարքին։

Gala TV–ի շուրջ կատարվող իրադարձությունները հասարակության մի մասին դուրս է բերել “Սերժ vs Լեւոն” հոգեբանական օղակից։ Դիտորդը իր բլոգում ուշադրություն է դարձրել Գյումրիում հասարակական բողոքի ակցիային։

Մյուս կողմից այս շարժմանը միանում է “Սկսելա” շարժումը, որի մասին շուտվանից չէինք լսել։

Տեղեկացնում եմ, որ “Ասպարեզ” լրագրողական ակումբը, մի խումբ հասարակական կազմակերպությունների և “Սկսելա” շարժման հետ համատեղ ակցիա է կազմակերպում ի պշտպանություն “Գալա” հեռուստատեսության, որը տեղի կունենա ս.թ. դեկտեմբերի 19-ին Գյումրի քաղաքում:
Կոչ ենք անում բոլոր ոչ անտարբեր քաղաքացիներին մասնակցել այս ակցիային` ոչ ասելով խոսքի ազատության սահմանափակմանը և վախի մթնոլորտին: Երևանից մեզ հետ Գյումրի մեկնել ցանկացողները կարող են զանգահարել 091 436415 հեռախոսահամարով կամ գրել isabella (@) lenta.ru հասցեով:
Ամեն մեկիս մասնակցությունը էական է:

Շիրակի մարզի առաջին ատյանի դատարանն օրերս դատավճիռ է կայացրել մայիսին Գյումրիի Տերյան եւ Ղուկասյան փողոցների խաչմերուկում տեղի ունեցած փոխհրաձգության մասնակիցների նկատմամբ։ Գյումրիի քաղաքապետ Վարդան Ղուկասյանի որդին` Սպարտակ Ղուկասյանը դատապարտվել է 1,5 տարվա ազատազրկման։
Ինչպես ԱրմԻնֆո-ի թղթակցին հաղորդել են Շիրակի մարզի առաջին ատյանի դատարանում, դատարանը հիմնավորված է համարել Սպարտակ Ղուկասյանին Քրեական օրենսգրքի 258 հոդվածի 3-րդ մասի 1-ին եւ 5-րդ կետերի հատկանիշներով առաջադրված մեղադրանքը` «մի քանի անձանց կողմից կատարված խուլիգանություն, որը զուգորդվել է բացառիկ ցինիզմով»։
Նույն հոդվածով, ինչպես նաեւ 271 հոդվածով` «թմրանյութի օգտագործում», առաջադրված մեղադրանքներով մեկեւկես տարվա ազատազրկման է դատապարտվել Գյումրիի քաղաքապետի եղբորորդի Կոլյա Ղուկասյանը։ Նույն պատժաչափն է սահմանվել նաեւ Շիրակի մարզպետարանի քաղաքաշինության վարչության նախկին պետ Արտաշես Սարգսյանի որդու` Ռուստամ Սարգսյանի նկատմամբ, ում եւս մեղադրանք էր առաջադրվել 258 հոդվածով։ Սարգսյանի ընկեր Թելման Կարապետյանը դատապարտվել է 5 տարվա ազատազրկման, Ղուկասյանների ընկերներ` Նորայր եւ Գագիկ Սոլոյան եղբայրները` համապատասխանաբար, 1 եւ 4 տարվա ազատազրկման։
Բոլոր վեցի նկատմամբ դատախազությունը հետախուզում էր հայտարարել։ Վերջին հետախուզվողը` Ռուստամ Սարգսյանը, հանձնվեց միայն սեպտեմբերի 14-ին։
Մայիսի 20-ի միջադեպից անմիջապես հետո Քրեական օրենսգրքի 104 հոդվածի հատկանիշներով` «սպանության փորձ», մեղադրվում էին դրա բոլոր մասնակիցները, սակայն վերջնական մեղադրանքում այն չկար։

ԱրմԻնֆո

Գաղտնիք չէ, որ հեռուստակայանները լծվել են ընտրապայքարին։ “ԹԻՄ” հետազոտությունների կենտրոնը անց է կացրել միջանկյալ ոլորտի դիտարկում։

Ստորեւ բերենք հետազոտությունից մի քանի հատված.

Հատկապես մտահոգություն է առաջացնում այն հանգամանքը, որ ԶԼՄ-ների առավել շատ ուշադրությունը գրաված երկու թեկնածուների «բեւեռային» լուսաբանումը ամբողջությամբ բնորոշ է Հայաստանի հանրային հեռուստատեսության առաջին ալիքին (Հ1) եւ Հայաստանի հանրային ռադիոյին (ՀՌ ): Մասնավորապես, վերջինը, որ նախորդ ընտրությունների (2003-ին եւ 2007-ի ) լուսաբանման դիտարկումների արդյունքներով նշվում էր իբրեւ առավել հավասարակաշիռ ԶԼՄ, այս անգամ անկողմնակալությամբ աչքի չի ընկնում: ՀՌ-ի նոյեմբերյան եթերում Լեւոն Տեր-Պետրոսյանի 105 հիշատակումներից 82-ը բացասական էր եւ ոչ մի դրական, իսկ Սերժ Սարգսյանի 110 հիշատակումներից 21-ը դրական էր եւ ոչ մի բացասական: Հետաքրքիր է նշել, որ ՀՌ-ի աշխատանքի նման կերպափոխումը ժամանակային առումով համընկավ նրա ղեկավարության` «Ազատություն» ռադիոկայանի հայկական ծառայության հաղորդումները հեռարձակելուց հրաժարվելու հետ:

Չորս հեռուստաալիքներում հետազոտվող քաղաքական գործիչներից եւս մեկը (վարչապետ Սերժ Սարգսյան ), բարձր տոկոսներ է ստացել. «Արմենիայում»` 76,9% (19 քաղաքական գործիչներին հատկացված ողջ եթերաժամանակի ), «Շանթում»` 48,9%, Հ1-ում` 47,2% եւ Հ2-ում` 40,8%: Այս եւ մյուս բոլոր ալիքներում, բացի ՙԵրկիր մեդիայից՚, վարչապետի դրական հիշատակումների քանակը նշանակալիորեն գերազանցել է բացասականներին. Հ1-ում` համապատասխանաբար` 26 եւ 2, «ԱԼՄ»-ում` 17 եւ 2, «Արմենիայում»` 11 եւ 0, Հ2-ում` 26 եւ 1, «Կենտրոնում»` 41 եւ 1, «Շանթում»` 16 եւ 2, Հանրային ռադիոյում` 21 եւ 0: Այս ցուցանիշները վկայում են, որ նշված հեռարձակվող ԶԼՄ-ները խիստ հազվադեպ են ներկայացնում կառավարող կոալիցիայից նախագահի թեկնածուի հասցեին քննադատական կարծիքներ, ընդդիմադիր քաղաքական եւ այլ հասարակական գործիչների դիտողություններ:

Ինչպես եւ հոկտեմբերին, նոյեմբերին եւս դիտարկման առարկա հանդիսացած 8 ալիքներից հետազոտվող քաղաքական գործիչներին ամենաքիչ ուշադրության է արժանացրել «Արմենիան» (ավելի քան 14 անգամ քիչ եթերաժամանակ, քան ՙԱԼՄ՚-ն եւ մոտ 10 անգամ քիչ քան «Կենտրոնը»): Ընդ որում, «Արմենիայում» հետազոտվող քաղաքական գործիչներին հատկացված 114-ից քիչ ավելի րոպեից 88-ը բաժին է ընկել Սերժ Սարգսյանին, այն դեպքում, երբ մնացած 18-ին բաժին է հասել միջին հաշվով մեկուկեսական րոպեից էլ քիչ:

Մեկ օրվա տարբերությամբ հարցազրույցներ տվեցին ՀՀ գործող եւ նախկին նախագահները: Ռոբերտ Քոչարյանի հարցազրույցը կարդացեք “Գոլոս Արմենիի”, իսկ Լեւոն Տեր-Պետրոսյանի` ռուսական “Կոմերսանտ” թերթերում: