“Հայոց Աշխարհ"–ը նյութ է հրապարակել, ուր բացահայտել է եւս մի դավադրություն։ Չխորանալով մանրամասների մեջ՝ նշեմ երկու բան։ Ընդ որում՝ զինվելով հեղինակի նույն կոնսպիռոլոգիական–պառանոիդալ ոճով։

1. Նյութը մեծ ուշացումով է տրվել։ Ուրեմն սպասել են, որ Սերժ Սարգսյանի շտաբից հրահանգ գա։
2. Նյութը իր մեջ պարունակում է տեղեկատվություն անձերի մասին, որը դժվար թե լրագրողը ինքնուրույն կարողանալ գտնել։ Ուրեմն, տեղեկությունները հեղինակին տրամադրվել են ԱԱԾ–ից։

Եւ այս ամենից հետո ինչ որ մեկը դեռ կարո՞ղ է կասկածել, որ նյութի հեղինակը ղեկավարվում է Սերժ Սարգսյանի շտաբից։

ՀԳ. Սույն տողերի հեղինակը բազմիցս հանդիպել է Լեւոն Տեր–Պետրոսյանի շտաբի ներկայացուցիչների հետ, եւ նույնիսկ տեսել է իր աչքերով Լեւոնին։

Չեմ կարող չանդրադառնալ նախընտրական քարոզարշավից երկու դրվագների։ Արման Մելիքյանի երեկվա հոլովակում հեքիաթ էր կարդում մի շատ մտավորականի տեսքով պատկառելի մարդ։ Իսկ Տիգրան Կարապետիչն էլ բանաստեղծություններ է գրում եւ արտասանում։ Բայց այս դեռ քիչ է։ Կարապետիչի քաղաքական ծրագիրը, պարզվում է, Կտակարանն է։ Ինքն ավել բան չունի ասելու։ Սրանով կարելի է ենթադրել, որ մեր ապագան ոչ թե տեղեկատվական եւ բարձր տեխնոլոգիաներն են, այլ բանասիրությունը։ Ով ոնց ուզում է, թող հասկանա։

Գյումրիի քաղաքապետ Վարդան Ղուկասյանի որդի Սպարտակ Ղուկասյանը և եղբորորդի Կոլյա Ղուկասյանն ազատության մեջ են:

Ըստ ՀՀ ԱՆ քրեակատարողական վարչության պետի մամուլի քարտուղար Արսեն Բաբայանի, պատժի 1/3 մասը կրելուց հետո, լավ վարքագիծ դրսևորելու համար նրանց անունները ներկայացվել է պատժի կրումից պայմանական վաղաժամկետ ազատման կամ պատժի չկրած մասն ավելի մեղմ պատժատեսակով փոխարինման, և համանուն հարցերով անկախ հանձնաժողովը բավարարել է հիմնարկի վարչակազմի կողմից ներկայացրած միջնորդությունը:

Նախընտրական ցինիզմի եւս մեկ արտահայտում։ Քաղաքապետը խիստ անհրաժեշտ է իր անզուգական մենեջերի տաղանդներով։ Իսկ Ժիրայր Սեֆիլյանը թող նստի բանտում։

Ռուսական մամուլը շարունակում է եկամուտներ քաղել հայաստանյան նախընտրական արշավից։ Չանցավ մի քանի օր ԼՏՊ–ի “Իզվեստիա"–յում տպված հարցազրույցի շուրջ սկսված բանավեճից՝ ինչ թեքնածուին կրկին խաբեցին ռուսական մամուլում։

Իսկ հիմա էլ Սերժ Սարգսյանի շտաբն է անցել վճարովի տեղադրումների։ Այս անգամ՝ “Նովիե Իզվեստիա” թերթում։ Նյութը շատ օրիգինալ խորագիր ունի. “Առա՜ջ, Հայաստան”։

Մյուս երեքշաբթի, հունվարի 29-ին, ժամը 14-00 OpenArmenia ֆորումում անց է կացվելու օն–լայն հարցազրույց Մեդիամաքս լրատվական գործակալության տնօրեն Արա Թադեւոսյանի հետ։ Թեման՝ ԶԼՄ–ները եւ գալիք ընտրությունները։ Հարցերը կարող եք հղել պարոն Թադեւոսյանին նաեւ այստեղ։

“Հետքը” ներկայացրել է “Թեկնածուների ունեցվածքը պաշտոնական տվյալներով” նյութը։ Որը մեծ տախիծ է առաջացրել մի խումբ բլոգգերների մոտ։ Իսկ Հովուլիկի մոտ նույնիսկ “մի քանի կոպեկ փող” տալու ցանկություն է առաջացել։

Թվարկենք ինտեռնետում գործող լրատվական ռեսուրսները, որոնք հատուկ նվիրված են գալիք ընտրություններին։

Մարդու Իրավունքները Հայաստանում

Մեդիամաքսի “Ընտրություններ” 2008

Ա1+ – նախագիծը

E-Channel

ԿԸՀ կայքը

Օննիկ Քրիքորյանի բլոգը

Արդեն մի քանի օր է, ինչ ինտեռնետում լայնածավալ վեճ է գնում Լեոն Տեր–Պետրոսյանի հարցազրույցի շուրջ, որը հրապարակվել էր ռուսական “Իզվեստիա” օրաթերթի կայքում։ Բանն այնէ, որ նյութը անհետացել էր, հետո նորից հայտնվել որպես գովազդային, հետո նորից անհետացել։

ՕփենԱրմենիա ֆորումում, ուր ԼՏՊ–ի կողմնակիցները բավականին շատ են, բուռն բանավեճ է սկսվել այս նյութի շուրջ. որը ընկալվել է որպես Կրեմլի կողմից օրհնանք ԼՏՊ–ին։ Ֆորումջանիններից մեկը նույնիսկ զանգել է թերթի խմբագրություն։

Քաղաքական պայքարը ՀՀ տարածքից դուրս է եկել համացանցի անծայրածիր արահետների։ ԼՏՊ եւ ՍՍ բրիգադները մարտադաշտ են դուրս բերում մարդակերպ ցանցային ռոբոտների։

Բացի դրանից զանգվածները ընտրական անցել են գեղարվեստական աշխատանքի։

Freedom House ներկայացրել է իր հերթական ազատությունների համաշխարհային վարկանիշը։ Իհարկե, դժվար է հավատալ, որ այն քաղաքականացված չէ եւ օբյեկտիվ է։ Մենք ինքներս էլ մոտավորապես պատկերացնում ենք, թե որքանով ենք ազատ եւ անազատ։

Սակայն հետաքրքիր է համեմատություններ անել, հատկապես մեր հարեւան երկրների հետ: Եւ ինչով է հետաքրքիր այս զեկույցը, որ Freedom House ներառում է վերջին տարիներին նաեւ Լեռնային Ղարաբաղի հանրապետությունը, որը ակնհայտորեն ավելի ազատ երկիր է, քան Ադրբեջանը, որը հավակնություններ ունի Ղարաբաղի հանդեպ։